Президент Қасым-Жомарт Тоқаевтың Жарлығымен Әсет Исенәлі Қазақстан Республикасының Корея Республикасындағы Төтенше және өкілетті елшісі лауазымына тағайындалды, деп хабарлайды Ulysmedia.kz.
Мемлекет басшысының шешімімен Қазақстанның Оңтүстік Кореядағы елшісі Нұрғали Арыстанов қызметінен босатылды. Бұл кадрлық өзгеріс Сеулдің Қазақстаннан мұнай сатып алуға қызығушылық танытып отырған шағымен тұспа-тұс келіп отыр. Парсы шығанағындағы геосаяси жағдайға байланысты Корея билігі Ормұз бұғазына балама іздеп, қазақстандық шикізатқа басымдық берген болатын. Бұл туралы 12 сәуірде елдің өнеркәсіп министрі Ким Чжон Кван мәлімдеген.
