Салтанат Нүкенованың өліміне қатысты қылмысты жасыру ісі бойынша сотталған Бақытжан Байжанов рақымшылық негізінде мерзімінен бұрын бостандыққа шықты, деп хабарлайды Ulysmedia.kz.
МӘН-ЖАЙ
Бұл ақпаратты оның адвокаты Ғазиз Ынтықбаев растады. Оның айтуынша, сот Байжановты дереу босату туралы шешім шығарған.
– Жазаның өтелмеген бөлігі үш айдан сәл ғана асатын. Бүгін Бақытжан отбасына оралды, – деді адвокат.
БАҚЫТЖАН БАЙЖАНОВ
Еске салайық, Бақытжан Байжанов – Қуандық Бишімбаевтың немере інісә. Ол Салтанат Нүкенованы өлтіру ісі бойынша қылмысты жасыру бабы бойынша айыпталып, 2024 жылғы 13 мамырда Астана қаласының қылмыстық істер жөніндегі мамандандырылған ауданаралық сотының үкімімен 4 жылға бас бостандығынан айырылған еді.
Кейін Байжанов рақышылық туралы заң аясында жазасының өтелмеген бөлігін өтеуден босатылып, бостандыққа шығатыны хабарланған.
