Сағат 16:00-дегі жағдай бойынша Құрылтай депутаттарын сайлауда 8 240 336 қазақстандық дауыс берді. Ел бойынша сайлауға қатысу көрсеткіші 65,37 пайызға жетті, деп хабарлайды Ulysmedia.kz.
Ең белсенді дауыс берген өңірлер
Қазір сайлауға қатысу көрсеткіші ең жоғары өңір – Қызылорда облысы. Мұнда сайлаушылардың 81,38 пайызы дауыс берген.
Одан кейін Шығыс Қазақстан облысы – 79,33%, Жетісу облысы – 77,03%, Түркістан облысы – 76,73% және Ақтөбе облысы – 75,63%.
Ақмола облысында сайлаушылардың 73,69 пайызы, Абай облысында – 71,18%, Қарағанды облысында – 70,91%, Қостанай облысында – 70,09% дауыс берген.
Алматы мен Астанада көрсеткіш төмен
Ең төмен көрсеткіш Алматыда сақталып отыр. Сағат 16:00-ге дейін мұнда сайлаушылардың 36,65 пайызы дауыс берген.
Астанада сайлауға қатысу көрсеткіші 46,38 пайыз болды.
Шымкентте бұл көрсеткіш 67,92 пайызға жетті.
Қалған өңірлердегі көрсеткіш мынадай: Алматы облысы – 67,23%, Павлодар облысы – 67,06%, Маңғыстау облысы – 65,86%, Ұлытау облысы – 64,29%, Солтүстік Қазақстан облысы – 63,94%, Атырау облысы – 63,37%, Батыс Қазақстан облысы – 61,81%, Жамбыл облысы – 69,11%.
Сайлауға қатысу жөніндегі келесі мәліметті Орталық сайлау комиссиясы сағат 18:00-де жариялайды.
Жаңа бір палаталы Парламент Мәжіліс пен Сенаттан тұрған бұрынғы қоспалаталы Парламенттің орнына жүреді.
Ulysmedia.kz сайлау барысын күні бойы бақылап отыр.
