Қазақстандықтар белгілері COVID-ке ұқсас вирус тарап жатқанын айтып жүр. Әлеуметтік желі қолданушылары тамақтың ауыруы, жөтел, ал кейбірі дәм мен иіс сезудің жоғалғаны туралы жазып жатыр, деп хабарлайды Ulysmedia.kz.
«31 арна» мәліметінше, Денсаулық сақтау министрлігі әзірге жаңа қауіпті штаммның белгілері байқалмағанын мәлімдеген.
Мамандардың айтуынша, Қазақстанда әдеттегі маусымдық инфекциялар анықталып жатыр. Олардың қатарында риновирус, аденовирус, парагрипп және маусымдық коронавирустар бар. COVID те әлі кездеседі.
Денсаулық сақтау министрлігі зертханалар әзірге ешқандай тосын немесе бұрын байқалмаған вирус тіркемегенін атап өтті.
«Қазір халық арасында вирустық инфекциялар көбейіп жатқан жоқ. Аурушаңдық маусымға тән қалыпты деңгейде. Зертханалар анықтап жатқан вирустардың арасында тосын не бұрын-соңды кездеспеген түрі жоқ», — деді Денсаулық сақтау министрлігіне қарасты Ұлттық қоғамдық денсаулық сақтау орталығы филиалының директоры Айнагүл Қуатбаева.
Дәрігерлер кәдімгі ЖРВИ бір жасқа дейінгі балаларға, жүкті әйелдерге, егде жастағы адамдарға және созылмалы ауруы бар науқастарға ауыр тиюі мүмкін екенін ескертеді.
Мамандар тек белгілерге қарап өз бетінше диагноз қоймауға кеңес береді.
