Нұрсұлтан Назарбаевтың Әсел Исаевадан туған үлкен ұлы, 21 жастағы Тауман үйленбек. Ulysmedia.kz мәліметінше, той елордадағы ең қымбат қонақүйлердің бірінде өтеді. Қонақтар арасында белгілі кәсіпкерлер, саясаткерлер және Ескі Қазақстан кезеңінде ықпалды болған тұлғалар болады деп күтіліп отыр.
Ulysmedia.kz дереккөздерінің айтуынша, Тауман Назарбаевтың үйлену тойы The Ritz-Carlton, Astana қонақүйінде өтуге тиіс.
Қалыңдығы - Қазақстанның бұрынғы қорғаныс вице-министрінің қызы.
«Тойға байланысты қауіпсіздік шаралары күшейтілген. Қонақүй маңындағы аумақты бір күн бұрыннан қоршай бастаған», – дейді басылым дереккөздері.
The Ritz-Carlton, Astana
Қонақтар тізімі күйеу жігіттің тегіне сай болуы ықтимал. Тойға саясаткерлер, ірі кәсіпкерлер және Нұрсұлтан Назарбаев президент болған кезеңде ықпал болған элита өкілдері шақырылған.
Тауман 2005 жылы дүниеге келген.
Оның анасы – Әсел Исаева, сондай-ақ. Әсел Құрманбаева деген атпен белгілі. Ол 1999 жылы «Қазақстан аруы» атағын иеленген.
Қазір Тауман 21 жаста. Ұзақ уақыт бойы Қазақстанның тұңғыш президентінің екінші отбасы туралы ашық айтылмады. Тек түрлі қауесет тарап, оны кейбір БАҚ та жазып жүрді.
Назарбаев бұл туралы тек 2023 жылы жарық көрген «Менің өмірім. Бодандықтан бостандыққа» атты естелік кітабында айтқан.
Ол Әселмен мұсылман дәстүрі бойынша некелескенін жазды. Бұл некеден екі ұл дүниеге келген: Тауман – 2005 жылы, Байкен – 2008 жылы.
2024 жылғы наурызда Тауманның есімі тағы да жаңалықтарда аталды.
Нұрсұлтан Назарбаев Біріккен Араб Әмірліктеріндегі New York University Abu Dhabi кампусында көзге түсті. Ол қазақстандық студенттермен суретке түскен, ал жанында Тауман деп көрсетілген жігіт болған.
Тауман Назарбаевтың жеке өміріне қатысты түрлі әңгіме айтылып келді.
2023 жылдың көктемінде интернетте оның сол кездегі энергетика министрі Алмасадам Сәтқалиевтің қызы Анадэль Майдановамен сөз байласқаны туралы ақпарат тараған.
Кейін министрлік бұл қауесетті ресми түрде жоққа шығарып, Тауман мен Анадэльдің сыныптас екенін мәлімдеді.
Тауманның есімі тек жаңалықтарда емес, басқа материалдарда да аталды.
2022 жылы «Азаттық» тұңғыш президент отбасының мүлкі туралы зерттеу жариялады. Журналистер Қаңтар оқиғасынан кейін Нұрсұлтан Назарбаев бірқатар мүлкін ұлдарының атына рәсімдей бастағанын жазды.
Елордадағы сарайлардың бірі жер телімдерімен бірге сол кезде 17 жаста болған Тауманға берілгені айтылды.
Нұрсұлтан Назарбаев кейінгі уақытта көпшілік алдына сирек шығады.
23 тамызда ол Құрылтай депутаттарын сайлауға қатысты. Алайда сайлау учаскесіне өзі барған жоқ.
Тұңғыш президенттің ресми сайтында сайлау қарсаңында Назарбаевтың омыртқасына ота жасалғаны, сондықтан үйінде дауыс бергені түсіндірілді.
Оған дейін, 15 наурызда, ол жаңа Конституция бойынша өткен референдумға өзі барған.
Сол кезде Назарбаев Астанадағы №228 сайлау учаскесінде дауыс берді. Журналистермен сөйлескен жоқ.
Ал Әсел Исаева биыл бірнеше рет көпшілік алдына шыққан.
Көктемде ол Астанада өткен сән көрсетілімдерінің бірінде көзге түсті.
Ол өнер саласында еңбек етеді және «Астана Балет» театрымен байланысты.
