Алдағы үш күнде Қазақстанда күн жылы болады, деп хабарлайды Ulysmedia.kz.
«Қазгидромет» РМК мәліметінше, елдің солтүстік-батысында, кейін солтүстігінде жауын-шашын біртіндеп тоқтап, ауа температурасы көтеріледі.
Қазақстанның батысында күн ашық әрі жауын-шашынсыз болады. Ал оңтүстік пен оңтүстік-шығыстың кей жерлерінде өткінші жаңбыр жауып, найзағай ойнап, жел күшейеді.
Таулы аймақтарда кей уақытта нөсер жаңбыр жаууы мүмкін.
Елдің оңтүстігінде күн жылы болады.
Күндіз ауа температурасы:
солтүстікте - +17…+25 °C;
орталық және батыс өңірлерде - +20…+28 °C;
оңтүстік пен оңтүстік-шығыста - +27…+32 °C болады.
