×
479.39
457.43
8.21
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
479.39
457.43
8.21

«Жабайы Арманды» тұтқында ұстау мерзімі тағы 2 айға ұзартылды

05.04.2022, 15:27
Фото: бейнежазбадан үзінді

Биыл 7 қаңтарда Алматыда арнайы операция кезінде ұсталған Арман Жұмагелдиевке Алматы қаласының тергеу соты қамауда отыру мерзімін 2022 жылдың 7 маусымына дейін ұзартты деп хабарлайды Ulysmedia.kz.

Түркияның Стамбул қаласында тұрып келген, ел арасында «Дикий Арман» лақап атымен танымал ол, қаңтар қантөгісі кезінде Алматыда бой көрсетті.

Аталған азамат атыс қаруын заңсыз иемденді, зорлық-зомбылықпен қатар тәртіпсіздіктерге қатысты, билік өкіліне қарулы қарсылық көрсетті деген күдікке ілініп отыр. Сонымен қатар, Жұмагелдиевке абайсызда адам өліміне әкеп соқтырған заңсыз бас бостандығынан айыру айыбы тағылды.

Бас прокуратура «Жабайы Арманның» адамдары 24 адамды ұрлағанын айтты.

«Мен бұл айыпталушыға бөлек тоқталамын. Оның қаруланған адамдары кездейсоқ өтіп бара жатқан адамдардың арасынан 24 азаматты ұрлап, мәжбүрлеп ұстады. Оларды ұрып-соғып, нәтижесінде бір адам қайтыс болды. Сонымен қатар, бандиттер 12-ші қалалық ауруханада  жатқан полиция қызметкерінен табельдік қаруды алып кетті. Осы фактілер бойынша біз қылмыстық істерді тергеудеміз. Әлеуметтік желілер мен мессенджерлерде әртүрлі болжамдар мен жалған ақпарат таратылады. Болжам бойынша, Жұмагелдиев босатылды немесе жоғалды деген әңгіме тарады. Ресми түрде хабарлаймын, егер бастапқыда бұл азаматты полиция атыс қаруын заңсыз сақтағаны үшін ұстаса, қазір тәртіпсіздіктер туралы іс жүріп жатыр», - деді арнайы прокурорлар қызметінің бастығы Ризабек Ожаров.