×
425.02
450.1
7.17
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
425.02
450.1
7.17

Краматорск вокзалында әуе шабуылынан 39 адам қаза тапты

08.04.2022, 18:24
Көрнекі сурет: ашық дереккөзден

Украинаның шығысындағы Краматорск қаласының теміржол вокзалына жасалған зымыран шабуылынан зардап шеккендердің саны 39 адамға жетті, деп хабарлады  Ulysmedia.kz Анадолы агенттігіне сілтеме жасап.

Қаза тапқандар арасында 4 бала бар. Бұл туралы Facebook-те Украина қауіпсіздік қызметінің өкілі Артем Дехтяренко хабарлады.

“Ресей әскерилерінің әрекеті Украина Қылмыстық кодексінің 438-бабы “Соғыс заңдары мен әдет-ғұрыптарын бұзу” бойынша сараланады. Кінәлілерді анықтап, жазалаймыз”, – деді ол.

Еске салсақ, 24 ақпанға қараған түні Ресей президенті Владимир Путин Украинаның Донбассында арнайы әскери операция басталғанын хабарлады. Осыдан кейін Ресей әскері Украинаға шабуыл жасады. Украина қалалары, соның ішінде Киевке әуе шабуылдары жиі жасалып жатыр.