Астанада сайлау кезіндегі бұзушылықты фотоға түсірген бақылаушыны учаскеден шеттеткен

"Еркіндік қанаты" қорының мәліметінше, учаскелер ашылған сәттен бастап мынадай бұзушылықтар тіркелген: 

• бақылаушылардың қозғалысын шектеу; процесті нақты көре алмау;
• фото және бейне түсіруге тыйым салу;
• учаскелік сайлау комиссиясы төрағасының үгіті;
• дауыс беруге арналған ғимаратты жабдықтау жөніндегі нұсқаулықты бұза отырып, бақылаушыға орындық бермеу.

Астанадағы №23 учаскеде бақылаушылар жеке бөлмеге орналастырылған. Олар сайлау учаскесін терезе арқылы көреді.

Таңғы 8-де №2 сайлау учаскесінен "дауыстарды санау процесін фото және видеоға түсіргені үшін және комиссия мүшелеріне дөрекі қарым-қатынасы үшін" үшін бақылаушы шеттетілді (ЕҰУ жатақханасы). Айта кетейік, дауыстарды санау процесі тек 20:00-де басталады, ал бақылаушылар "ҚР сайлау туралы" Заңына сәйкес фото және бейнетүсірілім жасауға құқылы.

Бұдан бұрын хабарлағанымыздай, Шымкент учаскелері сайлаудан бір күн бұрын дауыстарды "санап қойған".