ОСК мәліметтері бойынша, Қазақстанның 15 өңірінде Мәжіліс пен өңірдегі мәслихаттарға дауыс беру аяқталды. Қазақстанның 6 509 695 азаматы өз таңдауын жасады, деп хабарлайды Ulysmedia.kz.
Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2023 жылғы 19 наурызда сағат 20.10-дағы жағдай бойынша тізімдерге енгізілген азаматтардың жалпы санының 54,09 % бюллетеньдер алды.
Оның ішінде:
1. Абай облысы бойынша –57,02%
2. Ақмола облысы бойынша –60,01%
3. Ақтөбе облысы бойынша –57,45%
4. Алматы облысы бойынша –60,03%
5. Атырау облысы бойынша –50,22%
6. Батыс Қазақстан облысы бойынша –59,01%
7. Жамбыл облысы бойынша –65,21%
8. Жетісу облысы бойынша –55,32%
9. Қарағанды облысы бойынша –59,48%
10. Қостанай облысы бойынша –65,10%
11. Қызылорда облысы бойынша –66,46%
12. Маңғыстау облысы бойынша –54,08%
13. Павлодар облысы бойынша –58,68%
14. Солтүстік Қазақстан облысы бойынша –65,25%
15. Түркістан облысы бойынша –53,01%
16. Ұлытау облысы бойынша – 58,99%
17. Шығыс Қазақстан облысы бойынша –64,15%
18. Астана қаласы бойынша –42,91%
19. Алматы қаласы бойынша –25,82%
20. Шымкент қаласы бойынша –45,46%
Уақыт белдеуінің айырмашылығына байланысты Ақтөбе, Батыс Қазақстан, Атырау, Маңғыстау және Қызылорда облыстарында дауыс беру Астана уақыты бойынша сағат 21:00-де аяқталады.
ҚР Парламенті Мәжілісі мен мәслихаттар депутаттарының кезектен тыс сайлауы Қазақстанда 19 наурызда сағат 7:00-де басталды. Еліміз бойынша барлығы 10 146 учаске жұмыс істеді.
ҚР ОСК деректері бойынша, 5 мыңға жуық қазақстандық шетелдегі сайлау учаскелерінде дауыс берді. Сондай-ақ, шетелде 11 сайлау учаскесі жұмысын аяқтады. Ондағы 66 учаске әлі жұмыс істеп жатыр.
