Ойын әзірлеушісі Valve Counter-Strike 2 атқышын ресми түрде жариялады, деп хабарлайды Ulysmedia.kz.
Жаңа ойын жазда шығады және Counter-Strike: Global Offensive ойынына тегін жаңарту ретінде таратылады.
Ойын Source 2 қозғалтқышында жасалған. Valve жаңа қозғалтқыштың құралдарын пайдаланып ескі карталарды нөлден бастап қайта жасағанын, бірақ олардың негізгі құрылымы мен мүмкіндіктерін сақтап қалғанын атап өтті.
Әзірлеуші компания атқыштың жаңа нұсқасын «сериал тарихындағы ең үлкен техникалық секіріс» деп атады.
Counter-Strike - қазіргі кездегі ең белгілі, ойыншылары көп ойындарың бірі. Бұл ойынға арналған кәсіби турнирлер киберспортта өте танымал.
Ойынның соңғы нұсқасы Counter-Strike: Global Offensive 2012 жылы шығарылды.
