×
468.98
493.74
7.59
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.98
493.74
7.59

Кәсіпкерден 260 мың доллар бопсалаған ер адам ұсталды

19.05.2022, 15:45
Көрнекі сурет: ашық дереккөзден

Алматы қалалық ПД баспасөз қызметі 41 жастағы бизнесменнен 260 мың доллар бопсалаған күдікті ұсталғанын мәлімдеді, деп хабарлайды  Ulysmedia.kz.

Бизнесмен полицияға арыз берген. Оның айтуынша, бейтаныс адам ойдан шығарылған қарыз туралы айтып, одан 260 мың доллар талап етіп, физикалық зорлық-зомбылық көрсетіп қорқытқан.

«Аталған дерек жедел және арнайы іс-шаралар барысында расталды. 1981 жылы туған Н. есімді азамат физикалық күш көрсетемін деп қорқытып, кәсіпкерден ірі көлемде ақша талап еткен. Полицияның арнайы жасақтарының қатысуымен өткізілген арнайы шара нәтижесінде күдікті қылмыс үстінде ұсталды. Рұқсат етілген тінту кезінде қаражат тәркіленіп, ҚР ҚК-нің 194-бабы 4-бөлігінде көзделген қылмыс белгілері бойынша қылмыстық іс материалдарына тіркелді», – деп түсіндірді Алматы қалалық полиция департаменті бастығының орынбасары Берік Әбілбеков.

Полицейлер арнайы операцияны кешке Әл-Фараби даңғылында орналасқан кафелердің бірінде өткізген. Күдікті жақын жерде тұратыны анықталды, сондықтан ол кездесуді ыңғайлы жерде ұйымдастырған. Ол кінәсін толық мойындады.