×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Қарағанды облысында басқалар атынан 40 млн теңге несие алып үлгерген алаяқтар ұсталды

21.05.2022, 10:39
Фото: Ашық дереккөзден

Қарағанды ​​облысының полиция департаментінің қызметкерлері ұзақ уақыт бойы жалғасып келе жатқан интернет желісіндегі алаяқтық фактілерінің жолын кесті, деп хабарлайды Ulysmedia.kz.

Полиция бөлімшелеріне ақпан айынан бері алаяқтық фактілері бойынша төрт арыз түскен. Келтірілген шығын шамамен 40 000 000 теңгені құраған.

«18 мамырда Қарағандыдағы қаржы мекемелерінің бірінің полиция қызметкерлері мен қауіпсіздік қызметінің қызметкерлерінің бірлескен іс-шарасы барысында қала орталығында орналасқан банкоматтың жанына 32 жастағы азамат ұсталды. Ер адам басқа біреудің банк картасын пайдаланып, жәбірленуші тараптың несие ретінде берген ақшасын алмақшы боған. Тергеу барысында ұсталған азаматтан 9 миллион теңгеге жуық ақша тәркіленді», - дейді Қарағанды ​​облыстық полиция департаменті бастығының орынбасары Әбіл Әбілдин.

Осы оқиғамен тұспа-тұс Теміртау қаласында қылмыстық полиция қызметкерлері оның 33 жастағы сыбайласын ұстады. Ол серіктесіне 20 мың теңгеге дейін сыйақы алу үшін өздеріне банк картасын шығарып, одан әрі пайдалану үшін ұсталғандарға тапсырған адамдарды іздестіру арқылы көмектескен. Тінту кезінде ұсталғандардан түрлі банктердің жеті бірдей төлем картасы, ұялы телефондар, флеш және сим-карталар, сондай-ақ интернет-роутерлер тәркіленді. Қазір олар алаяқтық бабы бойынша қамауға алынды.