«Қазақалтын» серіктестігінің бір мыңнан астам қызметкері қысқарту туралы хабарлама алғаннан кейін, Бестөбе кентінде наразылықтар басталды. Кәсіпорын басшылығы жұмысшылармен келіссөздер жүргізіп, уағдаластыққа қол жеткізілді, деп ахабарлайды . Келісім кеніш қызметкерлерін де, кент тұрғындарын да қанағаттандырды, деп хабарлайды Ulysmedia.kz.
Степногор қаласы әкімдігі баспасөз қызметінің мәліметінше, 30 наурызда жергілікті «Рауан» мәдениет үйіне жиналған «Қазақалтын» ЖШС жұмысшылары қысқарту туралы хабарламаларды беруді тоқтатуды, сондай-ақ шахталардан суды сорып алуды, шахталарды іске қосуды және инвесторды ауыстыруды талап еткен.
«Компанияның бас директоры Рүстем Қаракесов жұмысшыларды қысқарту және кәсіпорын жұмысын тоқтату туралы хабарламалар беру, Бестөбе алаңын жаңа инвесторға қайта ресімдеу шараларын жеделдету мақсатында әрі қолданыстағы заңнама шеңберінде жүзеге асырылып отырғанын түсіндірді.
Әлеуетті инвестор – «Алтын қазына» ЖШС-нің өкілі Ерлан Қабылденовтің түсіндіруі бойынша, облыс әкімдігі мен ҚР ИИДМ әлеуетті инвестордың аудиті үшін Акционерлік компанияның құжаттарды тезірек ұсынуына жәрдемдескен жағдайда, кәсіпорын үш ай ішінде кеніштегі жағдайды зерделеуге және оң жағдайда шахталардан су айдау бойынша жұмысқа кірісуге дайын екенін хабарлады», - деді Степногор әкімдігінің баспасөз қызметінен.
Сондай-ақ, әкімдік «Қазақалтын» қызметкерлеріне Степногордегі өзге өнеркәсіптік кәсіпорындарында бар бос жұмыс орындарын ұсынған, сондай-ақ 6 айға дейін жұмысынан айрылу бойынша әлеуметтік төлемдер берілетінен жеткізген.
Ішкі саясат басқармасының мәліметінше, «Қазақалтын» қызметкерлерімен кезекті кездесу наурыздың 31-інде дәл сол «Рауан» мәдениет үйінде өтті. Кездесуге Индустрия және инфрақұрылымдық даму вице-министрі Иран Шархан, облыс әкімінің орынбасары Ердос Рамазанов, «Қазақалтын» ЖШС Бас директоры Рүстем Қаракесов және Степногор қаласының әкімі Алпысбай Қайыржанов қатысты.
«Кездесу қорытындысы бойынша бірқатар ұсыныс әзірленді. «Қазақалтын» ЖШС басшылығына кәсіпорынның қызметі туралы қажетті ақпаратты әлеуетті инвесторға жеделдетілген тәртіппен ұсыну мүмкіндігі туралы ұсыныс айтылды. Әлеуетті инвесторлардан 1 мамырға дейін ұсынылған ақпаратпен танысуды аяқтау талап етіледі. Бірлескен шешімде көрсетілген шарттар кеніш жұмысшылары мен кент тұрғындарын қанағаттандырды», - деп түсіндірді ішкі саясат басқармасынан.
Уағдаластық пунктерінің орындалуын бақылау Индустрия және инфрақұрылымдық даму министрлігіне жүктелді.
