×
467.99
488.82
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
467.99
488.82
7.7

Матч кезінде шатырдың опырылуы: Шымкент әкімдігі түсінік берді

23.05.2022, 14:42
фото: ашық дереккөзден

Шымкент әкімдігі футбол матчы кезінде қаладағы стадион шатырының алаңға опырылып түсуіне қатысты түсінік берді, деп хабарлайды Ulysmedia.kz "Хабар 24" арнасына сілтеме жасап. 

Осы оқиғадан кейін футболдан премьер-лига командалары арасындағы ел біріншілігінің он екінші турында екі ойын кейінге шегерілген болатын. 

Шымкент қаласы әкімінің орынбасары Мақсұт Исаховтың айтуынша, тексеру барысында нысан ешқандай қауіп төндірмеген. 

"Осы жылдың қаңтар айында қандай да бір бұзушылықтар бар екендігі туралы техникалық аудит жүргізілді. Шатырға қандай да бір жөндеу жұмыстары керек екені айтылған жоқ. Бұдан басқа, адамдар көп жиналатын әрбір үлкен жарыстың алдында заң бойынша акт жасалады. Оған төтенше жағдайлар қызметі, құқық қорғау органдарының өкілдері және т.б. қол қояды. Бұл матчтың алдында да акт жасалды,  шатырға қатысты арнайы нұсқаулар болмаған", –  дейді әкім орынбасары.

Стадионның әкімшілік ғимараты бюджеттен қаражат бөлінгенге дейін шатырсыз болады деп хабарланған. Бұл мәселе мәслихаттың маусым айында өтетін алдағы сессиясында қаралады. Әзірге тесіктерді брезентпен жауып қояды.