Премьер-министр Джастин Трюдо бастаған Канада үкіметінің мүшелері қызғылт өкшелі туфлимен жұмысқа келді. Бұл туралы Ulysmedia.kz хабарлайды.
Әлеуметтік желіде канадалық саясаткерлердің ерекше әрекеті жарияланды. Көлік министрі Омар Альхабра осылайша әріптестерінің әйелдерді қолдап, жыныстық зорлық-зомбылыққа қарсы болғысы келетіндерін түсіндірді.
"Қоғамымызда әйелдерге қатысты зорлық-зомбылық әлі де кең тараған. Бұл әйелдерге қатысты зорлық-зомбылық туралы хабардар етіп, ерлер мен жастарды осы іске араласуға шақыратын шара. Біз бүгінде маңызды мәселені қолдау үшін әйелдерге тән қызғылт өкшелі туфли кидік", - деп жазды министр Twitter-ге.
