×
468.98
493.74
7.59
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.98
493.74
7.59

Путинмен бір жиынға қатысқан Тоқаев Қазақстанның «ДХР» мен «ЛХР»-ды мойындамайтынын айтты

17.06.2022, 22:38
Фото: Ашық дереккөзден

Президент Қасым-Жомарт Тоқаев Қазақстан Украинадан Ресейдің ықпалымен бөлінген, мойындалмаған "Донецк халық республикасы" мен "Луганск халық республикасын" Қазақстан мойындамайтынын мәлім етті, деп хабарлайды Ulysmedia.kz.

Тоқаев пен Путин қатысқан жиында аты шулы журналист Маргарита Симонян президент Тоқаевтан «Қазақстанда Ресейдің «арнайы операциясы» туралы не ойлайды?» деп сұраған. Бұл сұраққа мемлекет басшысы былайша жауап берді.

«Бұл бағытта әртүрлі пікір бар. Тікелей айтайын. Біздің қоғам ашық. Азаматтық қоғамның пісіп-жетілгені анық көрінеді. Әртүрлі ой айтылады. Былай дер едім: қазіргі халықаралық құқық – БҰҰ жарғысы. Алайда жарғыдағы екі қағидат дәл қазіргі заманда бір-біріне қарама-қайшы келеді. Бұл – мемлекеттің аумақтық тұтастығы мен ұлттың өзін-өзін айқындау құқығы. БҰҰ-ның негізін қалаушылар кезінде бұл мәселені назардан тыс қалдырған секілді. Бәлкім, әдейі енгізген болар», - деді ол.

Президент осы себепті БҰҰ жарғысындағы қағидаттарды әртүрлі түсінетіндер барын атап өтті.

«Егер ұлттардың өзін-өзі айқындауына жол берілсе, онда жер шарында БҰҰ-ға кіретін 193 елдің орнына 500-600 мемлекет пайда болады. Әлбетте, мұның соңы хаосқа апарып соғады. Сол себепті біз Тайваньды, Косовоны, Оңтүстік Осетияны, Абхазияны мойындай алмаймыз. Бәлкім, бұл қағидатты біз квазимемлекет деп санайтын Донецк пен Луганск жағдайында ұстанамыз. Бұл сіздің ашық сұрағыңызға берілген ашық жауап», - деді Тоқаев.