×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Үй қызметшісінен депутаттыққа дейін: Көпбалалы ана сайлауда экс-министрді басып озды

20.06.2022, 15:59
фото: ашық дереккөзден

Францияда үй қызметшісі парламент депутаты болып сайланды, деп хабарлайды Ulysmedia.kz РИА Новостиге сілтеме жасап.

Бес баланың анасы, кәсіподақ белсендісі Рашель Кеке – Францияның халық ассамблеясына кірген алғашқы үй қызметшісі.

Кот-д'Ивуардан шыққан 47 жастағы әйел "Жаңа халықтық экологиялық және әлеуметтік одақ" партиясының атынан сайланды. Ол парламент сайлауының екінші турының нәтижесі бойынша бұрынғы спорт министрі Роксана Марасиняняны артта қалдырды.

Кеке 2019-2021 жылдары Ibis Batignolles Париж қонақ үйі қызметкерлерінің көтерілісіне қатысып, сайлаушылар арасында танымалдылыққа ие болған. Ол уақытта көпбалалы ана өзгелермен бірге айлық жалақының көтерілуі мен еңбек шарттарын жақсартуды талап еткен-ді.