Белгілі қазақстандық адвокат Мұрат Адам Астанадағы әріптесі Дәулетбек Тәмпиевті тергеушілер азаптағанын айтты, деп хабарлайды Ulysmedia.kz.
Мұрат Адам 1 мамырда Тәмпиевті Солтүстік Қазақстан облысы бойынша Экономикалық тергеу департаментінің қызметкерлері сыбайлас жемқорлық қылмысын – 45 млн теңге пара алу дерегін жасырды деген күдікпен ұстағанын еске салды. Тергеу мәліметтері бойынша, Петропавл ауыр машина жасау зауытының лауазымды тұлғалары пара алған. Тәмпиев Экономикалық тергеу қызметінде жұмыс істеген кезде пара алуды азаматтық-құқықтық мәміле ретінде көрсетуге тырысты деп айыпталды. Адвокаттан басқа пара алды деген тағы екі күдікті қамауға алынды.
"Қазір республиканың түкпір-түкпірінен 46-ға жуық адвокат, олардың арасында мен де қылмыстық іс және әкімшілік құқық бұзушылық туралы іс бойынша әріптесіміз Тәмпиевті қорғауға барымызды салып жатырмыз. Бүгін маған Тәмпевтен оған қатысты азаптау туралы шағым түсті. Мен бірден ескертемін, бұл ұрып-соғу емес, физикалық азаптау емес. Адвокат 1 мамырда кешке ұсталды, оны түнгі сағат 2-ге дейін жібермей, кабинеттен кабинетке сүйреп, оның клиенттеріне қарсы жалған куәлік беруді талап еткен. Бүйрегі ауыратынына қарамастан оны дәретханаға жібермей қойған. Сонымен қатар, тергеушілер оған қатысты басқа да заңсыз әрекеттерді жасады, мен азаптау фактілері бойынша қылмыстық іс тіркелгеннен кейін олар жайлы міндетті түрде айтып беремін", - деді адвокат.
Ол сондай-ақ адвокатқа қандай да бір физикалық зорлық-зомбылық көрсетілгенін атап өтті.
"Экономикалық тергеу департаментінің қызметкерлері оның қолынан жеке тінту хаттамасының көшірмелерін күшпен жұлып алуға тырысып, зорлық-зомбылық жасады, онда тінту кезінде тәркіленген қорғаушының өкілеттіктері туралы құжаттар сипатталған, олар СҚО Экономикалық тергеу комитетіне тиімді болмай тұрғаны анық", - деп жазды Мұрат Адам.
Ол сондай-ақ тергеушілер Тәмпиевтен әріптестерінің көмегінен бас тартып, мемлекеттік қорғаушының қызметіне келісуді талап еткенін айтты.
"Тергеуші одан басқа адвокатты шақыру туралы мәлімдемеге өз еркімен қол қоюын талап еткен, алайда адвокат өзінің қорғаушысы бар екенін айтып, бас тартты. Осыған қарамастан, олар адвокатқа қысым көрсетуді жалғастырды және өздері таңдаған адвокаттың қатысуымен жауап алуға және басқа әрекеттерге қатысуын талап етті", - деді Мұрат Адам.
Ол сондай-ақ тергеу әрекеттері кезінде Тәмпиевтің өзін нашар сезінгеніне қарамастан оған кісен салынғанын айтты.
Тәмпевті қорғау тарапы уәкілетті органдарға жазбаша өтініш жіберді.
