×
478.9
459.98
8.24
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
478.9
459.98
8.24

Офицерлер маған қысым көрсетті - әскери әйел

09.08.2022, 11:55
Фото: "Не молчи"

Келісімшарт бойынша әскери қызметте жүрген Елшібаева офицерлер тарапынан қысым көргенін айтып, шағымданды, деп хабарлайды Ulysmedia.kz.

Аталған жайтты көпшілікке “Не молчи KZ” желідегі парақшасында мәлім етті. Айтуынша, бойжеткен Шеңгелді ауылының әскери бөлімінде 2019 жылдың 13 желтоқсанынан бастап қызмет атқарып келген. Алайда бастапқы келісімшарт мерзімі 3 жыл болғанына қарамастан, оны тиісті мерзімге жеткізбей 2022 жылдың 3 мамырында аттестациядан өтпеді деген желеумен жұмыстан шығарған.  

Айта кету керек, Елшібаева қызметін адал атқаратын қызметкер ретінде бір емес бірнеше мәрте бағаланған. Оның айтуынша, әскердегі қызметіне оған бұрынғы командир кедергі болған. Ол командирден қысым көргенін мәлімдеді. 

“Ол отбасылы адам. Мен оған жауап қайтармасам, ол ашуланып, сол үшін мені балағаттап, мазақ етті. Оның қоластындағылар ештеңе болмағандай кейіп танытатын”, – деген ол бұл жайтқа басшылық да көз жұма қарағанын жеткізген. 

Салдарынан бойжеткеннің денсаулығы да нашарлап, ол әскери госпитальдан бір-ақ шыққан. Бойжеткеннің сөзіне сүйенсек, командир өзге бөлімге ауысып кеткеннен соң, оның орнына келген әскери қызметкер де оған күн бермеген. Ол қызға үнемі жекіп, згелердің көзінше, абыройын түсіретін. Шағымданған бойжеткен үйінің жалғыз асыраушысы екен. 

“Әкесі жоқ, қайтыс болған. Анасы ауырады. Мүгедектігі бар. Қолында кішкентай інілері бар.  Ол әскери қызметсіз жұмыссыз қалған жоқ, бірақ біздің әскер осындай мінезді қыздарды көтере алмайды. Ол мықты қыз. Ал өз әріптесіне жасалған қорлыққа көз жұма қараған офицерлер , сіздер кімсіздер? Ел қорғаушысы сіздер ме? Бір қызды қорғай алмадыңдар, елді сіздерге қалай сеніп тапсырамыз?”, – делінген хабарламада. 

Аталған жайтқа қорғаныс министрлігі жауап берді. Ведомствоның мәліметінше, “тез арада арнайы комиссия құрылып, аталған жайтты егжей-тегжейлі тексеру үшін әскери бөлімге аттанды”. 

Сондай-ақ министрлік өкілдері аталған жайттар расталса, Елшібаеваның ісі бойынша қатаң тәртіптік жаза қолданылып, тіпті жұмыстан шығарып, қылмыстық іс қозғау секілді шаралар қолға алынады. 

Қорғаныс министрлігі іс барысын өзінің жеке бақылауына алды.