Elorda ecosystem директоры Тимур Годунов Астана жолдарын су басқаннан кейін қызметінен босатылды, деп хабарлайды Ulysmedia.kz.
Ол "нөсерлі кәріз жүйелерінің дұрыс жұмыс істемеуі және кейбір жерлерде су басуына жол бергені үшін" жұмыстан шығарылды.
Отын-энергетика кешені және коммуналдық шаруашылық басқармасы мен Elorda ecosystem алдында жер үсті ағындарын бұруды қамтамасыз ету мақсатында тиісті іс-шараларды жүргізу міндеті қойылған: коллекторлар мен жаңбыр қабылдағыштарды тазарту, құбырларды булау, нөсерлі кәріз желісі қуатының көлемін ұлғайту және т.б.
Еске салайық, 6 тамызда жаңбырдан кейін Астана көшелері су астында қалды.
2021 жылы Астанада нөсер кәрізіне 15 миллиард теңге бөлінген болатын.
