Таразда қаңтардағы тәртіпсіздіктер кезінде полицейлердің әрекетсіздігіне қатысты іс бойынша сот процесінде жарыссөз басталды, деп хабарлайды Ulysmedia.kz.
Прокурор полицей қызметкерлерінің әрекетсіздігі қалай көрініс тапқанын түсіндірді.
Ол Жамбыл облысы полиция департаменті бастығының орынбасары Фахритдин Шанкаров қаңтар айындағы оқиғалар кезінде генерал Сүлейменов телефон арқылы оқ-дәрілер мен автокөліктерді эвакуациялауға тапсырма берген кезде өз бетінше жұмыс орнынан кеткенін мәлімдеді. Прокурор Шанкаров бұрын тыл басқармасының бастығы қызметін атқарғанын еске салды, сондықтан қанша қару мен оқ-дәріні шығару керегін жақсы білгеніне сенімді. Генералдың сұрағын естіген куәгерлер бар – "Сен қару-жарақты шығарып жатсың ба?" деген сауалға ол: "Иә, жұмыс істеп жатырмын", деп жауап берген.
Полиция департаментінің оқ-дәрі қоймасынан 35 қорап шығарылған. Қанша оқпан мен оқ-дәрі болғанын ешкім айта алмады, бірақ прокурордың мәлімдеуінше, генерал тыл басқармасы бастығы Қиымбековке қаруды сақтап, оны эвакуациялауға бұйрық берген. Онымен бірге көлікте бөлім бастығы Оразов және қоймаға жауапты Төребек болған.
Айыптаушының сөзінше, Шанкаров пен Қиымбеков барлық оқ-дәрілер эвакуацияланбағанын және 6 қаңтарда қару-жарақ есепке алынбай, қол қойылмай берілгенін айтпаған.
Асылхан Зәуірбековке әрекетсіздігі үшін айып тағылды – ол қару-жарақ пен оқ-дәрілер эвакуациясын тоқтатпады және қару сақтау туралы бұйрықты бұзды.
Прокурор соттан ҚР ҚК 370-бабы 4-бөлігінің 1-тармағы – "Қызметтегі әрекетсіздік" бойынша айыпталған Фахритдин Шанкаровты, Ноян Қиымбековті, Сәбит Оразовты және Мақсат Төребековті 6 жылға соттауды сұрады. Қызметтік әрекетсіздігі және билікті асыра пайдаланғаны үшін Асылхан Зәуірбековті 8 жылға бас бостандығынан айыруды ұсынды.
Ертең сотта сотталушыларға соңғы сөзін айтады.
Айта кетейік, бұдан бұрын Таразда оққа ұшқан бес қаңтаршының біреуі ғана ақталған.
