Батыс Қазақстан облысы әкімінің орынбасары Ержан Балтаев сотталды, деп хабарлайды Ulysmedia.kz.
Қызметтік өкілеттігін асыра пайдаланғаны үшін әкімнің бұрынғы орынбасары Ержан Балтаевқа айыппұл салынды. Сот оны 8,6 миллион теңге төлеуге міндеттеді. Екінші айыпталушы Артур Досқалиевке 3,4 миллион айыппұл салынды.
«Ержан Талғатұлы Балтаев Қазақстан Республикасы Қылмыстық кодексінің 361-бабы (қызметтік өкілеттіктерді теріс пайдалану) бойынша кінәлі деп танылды. Оған 2500 АЕК (8,6 млн теңге) айыппұл түріндегі айыппұл тағайындалсын. Артур Досқалиев Қазақстан Республикасы Қылмыстық кодексінің 361-бабы (қызмет бабын асыра пайдалану) бойынша кінәлі деп танылып, оған 1000 АЕК (3,4 млн теңге) көлемінде жаза тағайындалды. Олардың мемлекеттік қызметте қызмет атқаруына өмір бойына тыйым салынсын», - деп үкімді оқыды судья Гүлнар Ғиматутдинова.
Айыппұлды бір ай ішінде төлемесе, жаза бас бостандығынан айырумен ауыстырылуы мүмкін.
Еске салайық, тамыз айының басында Балтаев Қазақстан заңнамасында белгіленген міндеттер мен шектеулерді сақтамағаны үшін қызметінен босатылған болатын. Ол осы қызметте жеті ай қызмет еткен.
