×
478.9
459.98
8.24
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
478.9
459.98
8.24

Ирандағы жаппай толқу: Құрбандар саны көбейіп барады

22.09.2022, 17:55

Иранда «хиджапты қате киген» деген желеумен өлтірілген бойжеткеннің оқиғасынан кейінгі жаппай наразылық барысынла тоғыз адам қаза тапты, деп хабарлайды Ulysmedia.kz тілшісі Daily Mail басылымына сілтеме жасап.

Иранның кем дегенде 20 қаласында, соның ішінде ел астанасы Тегеранда наразылық шерулері өтті. Әзірге тәртіпсіздіктердің құрбаны болған тоғыз адам жайлы хабарланды.

Қайтыс болғандар туралы ақпарат күрдтердің құқық қорғау ұйымдарынан алынғаны атап өтілді. Билік өлімді растаған жоқ, бірақ бір прокурор Tasnim агенттігіне екі адамның «контрреволюциялық элементтердің» қолынан қаза тапқанын айтты.

IRNA мемлекеттік ақпарат агенттігінің хабарлауынша, Ширазда демонстранттармен болған қиян-кескі қақтығыс кезінде құқық қорғау органдарының бір қызметкері алған жарақаттан қайтыс болды.

Мемлекеттік БАҚ елдің 15 қаласында көше шерулерінің бесінші түнінде полицияның көзден жас ағызатын газ қолданып, тұтқындағанын хабарлады. IRNA ақпарат агенттігінің хабарлауынша, шерушілер тәртіп сақшыларына тас лақтырып, полиция көліктері мен қоқыс жәшіктерін өртеп, үкіметке қарсы ұрандар айтқан.