Оған Әкімшілік кодекстің 488-бап, 6-бөлігі бойынша (бейбіт жиналыстарды ұйымдастыру және өткізу тәртібі туралы заңнамасын бұзу) айып тағылған, деп хабарлайды Ulysmedia.kz.
Бүгін полиция бөліміне кірерде ол 19 қыркүйек күні “Әуежай ісі” бойынша 4 жылға сотталған Айгерим Тлеужанның апелляциялық сотына барғанын, алайда ол жерде ұрандамай, плакат ұстамай, көрген-білгенін қаз-қалпында YouTube арнасына жариялау үшін болғанын айтқан еді.
«Мен 19 қыркүйекте еш ұрандаған жоқпын, плакат ұстаған жоқпын. Өзімнің youtube арнама ақпарат тарату үшін мән-жайды қаз-қалпында жарияладым. 488 бап бойынша іс қозғап жатыр екен. Қазір көреміз», - деген полиция бөліміне кіріп бара жатып Абзал Достияров.
Достияров полиция бөліміне адвокаты Жанар Балғабаевамен, екі баласымен бірге барған.
