Армения Сыртқы істер министрлігінің басшысы Нью-Йорктегі БҰҰ Бас ассамблеясында сөйлеген сөзінде Таулы Қарабаққа Біріккен Ұлттар Ұйымының миссиясын жіберу туралы үндеу жасады, деп хабарлайды Ulysmedia.kz.
Әзербайжан аймақтан тәркіленген қаруларын көрсеткен Арменияның сыртқы істер министрі бұл аумақта тұратын жүздеген адамның тағдыры әлі белгісіз екенін ескертті.
«Армения Таулы Қарабақтағы қажеттіліктерді бағалау және фактілерді анықтау үшін БҰҰ-ның ведомствоаралық миссиясын орналастыруды қоса алғанда, нақты және практикалық іс-қимыл қажет екендігі туралы халықаралық қауымдастыққа бірнеше рет ескертті. Бірақ халықаралық қауымдастық, БҰҰ адамдарға көмектесе алмады. Өткен 9 ай – 285 күн», - деді ол.
Баку Таулы Қарабақ және басқа да мәселелер бойынша Ереванмен диалогқа дайын екенін айтады.
Әзербайжан Сыртқы істер министрі Джейхун Байрамов: «Біз Әзербайжан мен Армения үшін тату көршілік қарым-қатынас орнатуға және екі егемен мемлекет ретінде халықаралық деңгейде мойындалған шекараларда бейбітшілікпен қатар өмір сүруге тарихи мүмкіндік бар екеніне сенімдіміз», - деді.
Айта кетейік, Әзербайжан 19 қыркүйекте Таулы Қарабақта әскери операция бастады. Келесі күні мойындалмаған республика билігі қаруларын тастап, Таулы Қарабақ қорғаныс армиясын таратуға келісті.
