Ақтауда танымал фотограф Бауыржан Асылбаев жоғалып кетті, деп хабарлайды Ulysmedia.kz.
Lada.kz-тің жазуынша, ер адамды іздеу жұмыстарын Lider.kz қозғалысының еріктілері жүргізіп жатыр. Олардың мәліметінше, Бауыржан Асылбаевты соңғы рет өткен жұма күні, 22 қыркүйек кешінде 8-шағынаудандағы №7 үйдің жанынан көрген. Ол иығына жолдорба іліп алған.
“Белгілері: бойы 165-170 сантиметр, дене бітімі орташа. Ер адам сұр түсті спорттық күртке, джинс шалбарын, кроссовка киген. Іздеу жарияланған ер адам туралы қандай да бір ақпарат болса, мына телефон нөмірі арқылы хабарласуларыңызды сұраймыз: 8(700)499-72-92”, – делінген хабарламада.
Белгілі болғандай, Бауыржан Асылбаев Ақтауда кәсіби фотограф болып жұмыс істейді.
