Әзілкеш Максим Галкин Қазақстанда өнер көрсетпейтін болды, деп хабарлайды Ulysmedia.kz.
Галкин өнер көрсетуі тиіс Алматы мен Астананың концерт залдарында «сахналар мен коммуникациялардағы проблемалар» анықталды.
Алматыдағы сахна механиктерінің апатты жағдайын жарияласа, Астанада «коммуникацияларды жөндеу» туралы мәлімдеді.
Бұған дейін Максим Галкин Қазақстанда концерт өткізуде қиындықтар бар екенін мойындаған болатын. Әзілкеш ел билігі өзінің шоуын ұйымдастыруға қалай кедергі жасап жатқанын хабарлаған болатын.
Танымал әртіс «Қазақстанды және оның халқын жақсы көретінін» айтып, болған оқиғаға өкініш білдірген.
Еске салайық, Максим Галкин Ресей Федерациясының басшылығын Украинаға басып кіргені үшін сынап, елден кетуге мәжбүр болған еді. Ресейде оған шетелдік агент мәртебесі берілді.
Бір жылдан астам уақыт бойы Галкин Израильде өнер көрсетіп, Ресей басшылығының кейбір шешімдерін келемеждеді.
Алла Пугачева күйеуінің соңынан Израильге барған. Күзде ол балаларына қайта оралды.
