АҚШ-та коронавирусқа қарсы егілмеген әскери қызметшілер жұмыстан шығарылады. Бұл туралы Қазақстанда COVID-19 таралуына жол бермеу жөніндегі ведомствоаралық комиссияның Telegram-каналында айтылды, деп хабарлайды ulysmedia.kz.
АҚШ-та 28 қарашаға дейін коронавирусқа қарсы вакцина алмаған әскери қызметшілер жұмыстан шығарылады. Әскери-теңіз күштерінің резервінде тұрғандар да вакцина алуға міндетті. Олар үшін соңғы мерзім — 28 желтоқсан. Қазіргі уақытта Америка қорғаныс ведомствосының мәліметінше, әскери-теңіз күштерінің 94% COVID-19 вакцинациясының толық курсынан өтті.
Италияда жұмыс орындарына кіру үшін міндетті COVID-сертификаттары қолданыла бастады. Green pass электрондық сертификаттарын енгізу туралы шешім бір ай бұрын мақұлданды. Италияда азаматтардың 80,8% коронавирусқа қарсы толығымен егілді, ал тұрғындардың 85% астамы вакцинаның бір дозасын алды.
