Қазанның 13-інен 14-не қараған түні Алматының таулы және қала маңындағы аудандарында қар жауды. Қаланың жоғарғы бөліктерінде, соның ішінде Медеуде жауын-шашын басталды, деп хабарлайды Ulysmedia.kz.
Қала билігі таулы аймақтардағы қардың түсуіне байланысты Шымбұлаққа көктайғаққа қарсы материалдар төселіп жатқанын, бұрынғы экопосттан Шымбұлаққа дейінгі аумақта да жол тазалау жұмыстары басталғанын мәлімдеді. Жол қауіпсіздігін қамтамасыз ету үшін жол полициясының бекеті қойылды.
Бұған дейін Алматыда 13 қазан күні түстен кейін жауған жаңбыр түннің басым бөлігінде жалғасты.
Төтенше жағдайлар басқармасы бастығының айтуынша, Жетісу және Түрксіб аудандарында жеке тұрғын үй секторындағы аула аумақтарын су басқан екі жағдай тіркелген. Су сәтті шығарылды, басқа да жерасты өткелдеріндегі кептелістерді патрульдік бригадалар шешу үстінде.
