Мемлекет басшысы Қасым-Жомарт Тоқаев алдағы күндері Тәжікстанға сапарлайды, деп хабарлайды ulysmedia.kz. Бұл туралы президенттің баспасөз хатшысы Берік Уәли мәлімдеді.
«Қазақстан президенті Қасым-Жомарт Тоқаев 16-17 қыркүйек күндері Душанбе қаласында өтетін ҰҚШҰ Ұжымдық қауіпсіздік кеңесің сессиясына және Шанхай ынтымақтастық ұйымына мүше мемлекет басшылары кеңесінің отырысына қатысады. Сонымен қатар бірқатар мемлекет басшыларымен екіжақты кездесулер жоспарланған», - деп жазды Берік Уәли фейсбуктегі парағында.
Қасым-Жомарт Тоқаев биылғы мамырда Тәжікстанға екі күндік сапармен барып, көрші ел президенті Эмомали Рахмонмен бірқатар маңызды құжатқа қол қойған болатын.
