Қостанай қаласының өнеркәсіптік кластерінде Chevrolet Оnix автокөліктерін шығаратын жаңа CKD-кешені іске қосылды. Инвестициялар 400 жаңа жоғары білікті жұмыс орнын құрумен 33,7 миллиард теңгені құрады.
Өндірістің ресми басталуы өнеркәсіп және құрылыс министрі Қанат Шарлапаевтың, General Motors және UzAuto компанияларының топ-менеджерлерінің қатысуымен берілді. Жоба жылына 30 мың автокөлік өндіруге арналған.
Қанат Шарлапаев Қазақстан үшін машина жасау экономиканың стратегиялық маңызды бағыты болып табылатынын атап өтті. Ал әлемдік өндірушімен өнеркәсіптік кооперация еліміздің қарқынды дамып келе жатқан автокөлік саласына серпін беруге мүмкіндік береді.
Бүгін бүкіл Қазақстан өндірісі үшін өте маңызды күн! Мен Allur зауытының қызметкерлеріне жеке алғыс айтқым келеді, бүгін сіздің қолыңызбен Қазақстанның индустриялық болашағы құрылуда. Біз үшін және General Motors әріптестері үшін өндірістің одан әрі өсуі және локализацияны тереңдету өте маңызды, - деді Қанат Шарлапаев.
Жобаны іске асыру үшін Allur компаниясы бренд ұстаушымен бірлесіп технологиялық шешімдердің жетекші жеткізушілерін тартты. Орталық Азия елдерінде теңдесі жоқ бірегей өнеркәсіптік жабдық сатып алынды. Chevrolet Оnix өндірісінде GM сапа стандарттарына сәйкес келетін жоғары сапалы және жоғары дәлдіктегі лазерлік тігісті қамтамасыз ететін роботтандырылған лазерлік дәнекерлеу технологиясы қолданылады.
General Motors компаниясының атқарушы вице-президенті және жаһандық нарықтардың Президенті Рори Харви өнеркәсіптік кооперация мүшелеріне Chevrolet брендінің қажырлы еңбегі мен сапалы автокөлік өндірісі үшін алғыс айтты. Ол жобаның сәтті болашағына сенім білдірді.
«Біздің кооперациялық ынтымақтастық аясында біз үнемі өсу мен кеңейту мүмкіндіктерін іздейміз. UzAuto, Allur және GM инвестициялары мен күш – жігерінің арқасында біз бүгін осы маңызды кезеңге - Қостанайда Chevrolet Onix CKD-өндірісінің басталуына қол жеткіздік.
Біз жылына 50 мың автокөлік өндірісінің өсуіне қол жеткіздік. Қазір Қазақстан әлемдегі Chevrolet нарығының көлемі бойынша жетінші орында тұр. Бұл біздің табысты серіктестігіміздің дәлелі», - деді General Motors International Президенті Шилпан Амин.
