Цифрлық даму министрі Жаслан Мәдиев өзінің қайын атасы – Дүйсенбай Тұрғанов Парламент депутаты болғанына қарамастан, өзінің тағайындалуынан әдептің бұзылды деп есептемейді, деп хабарлайды Ulysmedia.kz.
ҚАЙЫН АТАСЫ ДАУЫС БЕРМЕГЕН
Жаслан Мәдиевтің министрі лауазымына лайықты екені жөнінде шешімді президентке дейін мәжіліс қабылдаған. Оның министрлікті басқара алатыны турасында кеңесті мәжілістің экономикалық реформа комитеті ұсынған. Ол комитет Жаслан Мәдиевтің қайын атасы – депутат Дүйсенбай Тұрғанов жоқ, ол экологияға жауапты комитетте. Ulysmedia.kz сұрағына жауап берген Жаслан Мәдиев осылай дейді.
– Сіз атаған депутат бұл комитеттің құрамында жоқ. Яғни, оған (дауыс беруге) ешқандай қатысы жоқ, - деді Мәдиев.
МӘДИЕВ ЖАЙЛЫ
Цифрлық даму министрінің креслосына 40 жастағы Жаслан Мәдиев биыл мамырда жайғасқан. Ол барған саласымен таныс – бұрын да сол министрлікте еңбек еткен. Бағдат Мусиннің бірінші орынбасары болған. Ulysmedia.kz тілшісі жаңа министрдің кім екенін тереңірек зерттеп көрген еді. Жаңа министрдің жұбайы – Майра Тұрғанова. Мәжіліс депутаты Дүйсенбай Тұрғановтың қызы.
ДЕПУТАТ ТҰРҒАНОВ
Дүйсенбай Тұрғановтың мансабы энергетика, мемлекеттік қызмет және саясатты қамтиды. Алматы энергетикалық институтының түлегі (1981 жыл). Инженер-электрик, кейін Мәскеу қаржы-экономикалық институтын бітірген.
Тұрғанов мансабын электромонтер ретінде бастаған. Көп ұзамай өзін көшбасшы ретінде көрсеткен. Ол Қаратау ТКШ кәсіпорындарын басқарып, Сарысу ауданы мен Атырау қаласының әкімі болған.
Мансабының негізгі кезеңдерінің қатарында "KEGOC" АҚ вице-президенттігі, энергетика және минералдық ресурстар вице-министрі, сондай-ақ Павлодар облысы әкімінің бірінші орынбасары рөлі бар.
2021 жылдан 2023 жылға дейін Тұрғанов VII шақырылым Мәжілісінің депутаты болды, ал 2023 жылдан бастап VIII шақырылымда жұмысын жалғастырып жатыр.
