Ресей президенті Владимир Путин мен Қазақстан президенті Қасым-Жомарт Тоқаев телефон арқылы әңгімелесті, деп хабарлайды Ulysmedia.kz.
ӘҢГІМЕ НЕ ЖАЙЛЫ
Бұл туралы Кремльдің баспасөз қызметі хабарладын. Әңгіме барысында Қазақстан президентінің алдағы Ресейге мемлекеттік сапарына дайындық аясында екіжақты ынтымақтастықтың практикалық мәселелері талқыланған.
Тараптар Ресей мен Қазақстан арасындағы стратегиялық серіктестікті және одақтастық қатынастарды одан әрі нығайтуға, сондай-ақ сауда-экономикалық және мәдени-гуманитарлық салалардағы бірлескен жобаларды дәйекті түрде жүзеге асыруға ниетті екенін растады.
БҰҒАН ДЕЙІН
Айта кетейік, бұған дейін Тоқаев пен Путин 26 қыркүйекте және 7 қазанда телефон арқылы сөйлескен болатын.
