Екі ел арасындағы шекара сызығы 5 шақырымға ұзарады, деп хабарлайды Ulysmedia.kz.
Бұл туралы Сыртқы істер вице-министрі Роман Василенко мәлім етті.
«Кейінгі 19 жылдағы демаркациямен байланысты процестер кезінде шекара сызығы өтетін тұстар нақтыланды. Бұл мәселеде екі тараптың да жергілікті халқының мүдделері, шекара күзетінің қолайлы болуы ескерілді. Осылайша шекара сызығы 5 шақырымға ұзарып отыр. Нақты айтсақ, тұтас шекараның ұзындығы 2356 шақырым 666 метр болды. Осылайша 5 шақырымға ұзын бола түсті», - деді Роман Василенко Сенат отырысынан кейін.
Айта кетсек, бұдан бұрын Василенко Гайдайдың Қазақстандағы Украина елшісі болып келу ықтималдығы жөнінде пікір білдірген.
