Қазақстан үкіметі отставкаға кетіп жатқан уақытта Ulysmedia.kz порталының бас редакторы Самал Ибраева бұрынғы мәжіліс депутаты Қанат Нұровтан министрлер кабинетінің жұмысы, сол үкіметтегі «Ескі Қазақстан» мен жекебастың пайдасын көздеген лоббистер туралы сұхбат алды.
Неге екі жылда Смайылов үкіметі халықтың әл-ауқатын жақсартудың орнына жағдайды одан әрі нашарлатып жіберді? Экономика неге тиімді жұмыс істемейді? Квазимемлекеттік сектор пайдасы болса, неге олардың жұмысы қайта қаралмайды? Осы сауалдар әңгімеге арқау болды.
Сонымен қатар заңсыз шығарылған активтерді қайтару жұмысындағы кемшіліктер, Назарбаевтың «атын өшіру» төңірегіндегі дау-дамайлар. Мәжілістегі «популизм» жайы да айтылды.
