Түркістан облысы Сарыағаш ауданында 51 жастағы әйел мешітте төсеулі тұрған кілемдерді ұрлады деген күдікке ілінді, деп хабарлайды Ulysmedia.kz.
Полицияға ұрлық туралы мешіт қызметкерлері хабарлаған.
Аудан тұрғыны түнгі сағат 01:00 шамасында мешіттердің біріне келген. Содан іште төсеулі тұрған екі бірдей кілемді ұрлап кеткен.
Полицейлер күдікті әйелден қолды болған айғақты заттарды тәркіледі.
Қазіргі таңда тұрғынның осыған ұқсас қылмыстарға қатысы бар-жоқтығы тексеріліп жатыр.
