×
448.89
477.93
4.76
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
448.89
477.93
4.76

Солтүстік Қазақстан облысында жалған екпе салу фактілері анықталды

05.03.2024, 17:51
Фото: ашық дереккөз

Солтүстік Қазақстан облысында мерзімі өтіп кеткен вакциналар табылды, деп хабарлайды Ulysmedia.kz.

Облыстық Денсаулық сақтау мекемелеріндегі тексерулер медициналық мақсаттағы бұйымдарды ұтымсыз пайдалану, жалған екпе қою және ресми құжаттарды бұрмалау сияқты өрескел заң бұзушылықтарды анықтады.

Осылайша, санитарлық ережелердің талаптарын бұза отырып, денсаулық сақтау қоймасында 7,8 млн теңге сомасында 1,8 мың доза көлемінде қызылша, паротит, қызамық және А гепатитіне қарсы жарамдылық мерзімі өтіп кеткен вакциналар болғаны анықталды, - делінген Солтүстік Қазақстан облысының прокуратурасы таратқан ақпаратта.

Прокурорлық тексерулер қызылша мен сібір жарасына қарсы жалған екпенің 70-тен астам фактісін, сондай-ақ қалалық емханалардың бірінің медицина қызметкерлерінің ресми құжатты бұрмалау фактілерін анықтады.

Биыл 4 ақпанда прокуратура органдарының материалдары негізінде Петропавл қалалық Полиция басқармасы ҚР Қылмыстық кодексінің 385-бабы («Жалған құжаттарды қолдан жасау, дайындау және өткізу») бойынша сотқа дейінгі тергеп-тексеруді бастады, тергеу әрекеттері жүргізілуде.

Жалпы, анықталған бұзушылықтар медициналық мекемелердің Бюджет кодексінде көзделген заңды негіздемесіз иммунобиологиялық препараттарды сатып алуға өтінімдерді қалыптастыруына байланысты орын алған.

Серіктес жаңалықтары