Ақтаудағы Rixos қонақүйіне салынған айыппұл сомасы 350 миллион теңгеге дейін өсті. Бұл туралы үкіметтің баспасөз орталығында экология және табиғи ресурстар министрі Ерлан Нысанбаев айтты, деп хабарлайды Ulysmedia.kz.
Экология және табиғи ресурстар министрі рлан Нысанбаевтан аққулар жаппай қырылғаннан кейін Маңғыстаудағы қонақүйді тексеру нәтижелері жөнінде сұрақ қойылған.
– Біз бұл жайлы бірнеше рет айттық. Негізгі себеп құс тұмауы болды. Мұны зерттеу орталығы ресми түрде жариялады. Мамандар үлкен комиссиямен кетіп, сынамалар алынды. Аурудың адамға жұғу ықтималдығы өте төмен.
Ағынды суларды ағызу туралы айтар болсқа, ол жағынан да тексеру жүргізілді. Зиян анықталды, егер қателеспесем – 300 млн теңгеден астам. Суды ағызуға мүмкіндік беретін ағынды құбыр толығымен бөлшектелген. Орталық өрімге қосылды. Бұдан былай бұл компанияның шығарындылары күтілмейді.
Айыппұлдың нақты сомасы... 300 млн шегінде, нақтырақ 352 млн теңге", - деді министр.
Алғашқы өлген аққулар 2023 жылдың желтоқсанында табылды. Құс тұмауының штамының болуын көрсететін сынақтар жүргізілген.
Бесінші қаңтарда желіде Rixos қонақ үйі көлге шығу тегі белгісіз қара сұйықтықты ағызып жатқанын көрсететін бейне пайда болған еді. Қоғам белсенділері бұл аққулардың жаппай қырылуына себеп болуы мүмкін деп болжады. Сол кезде Маңғыстау облысының экология департаментінің қызметкерлері көлге төгілген сулардағы ластаушы заттардың асып кеткенін анықтап, зерттеулер жүргізген. Ведомство Rixos Aktau-ны жоспардан тыс тексеруге бастамашы болды.
Rixos Water World Aktau
Қонақүй Ақтаудан 20 шақырым жерде орналасқан. Бірнеше жыл бұрын оны Түркия азаматы Феттах Таминдже (ол Нұрсұлтан Назарбаевтың ең жақын достарының бірі болып саналады) және Қаржы министрлігі құрған қазақстандық тікелей инвестициялар KIDF қоры салған.
