HeadHunter 2 600-ден астам жұмысшы арасында зерттеу жүргізді, деп хабарлайды Kapital.kz.
HeadHunter рекрутингтік компаниясы Қазақстанда жұмыс істейтін 2 600-ден астам адам арасында қандай жалақыны лайықты деп есептейтіндігі туралы сауалнама жүргізді. Респонденттердің тек 6%-ы өздерінің жалақысын лайықты деп санайтындарын мойындады. Сауалнамаға қатысқандардың 32% -ы оны «қалыпты» деп атады.
«Жалпы Қазақстан бойынша 450 мың теңге жалақы лайықты деп есептелді. Сонымен қатар, респонденттердің пікірінше, Нұр-Сұлтанда лайықты жалақы 560 мың теңгені құрайды, Алматыда - 540 мың, үшінші орында - Қарағанды, онда жұмыс істейтін тұрғындар кемінде 510 мың теңгені лайықты жалақы деп санайды», - делінген HeadHunter зерттеуінде.
Сонымен қатар, компания өткен жылы азаматтардың жалақысы қалай өзгергенін сұрады. Көпшілігінде (45%) ол өзгеріссіз қалды, 39% өсті, 16% төмендеді.
«Сауалнамаға қатысқандардың 53%-ы жалақысына қанағаттанбайтындығын ескере отырып, біз олар бұл туралы қандай-да бір іс-қимыл жасамақшы ма деп сұрадық. 52% - ы алдағы жылы жалақыны көтеруді сұрайтыны белгілі болды, ал 13% - ы мұны жасамайды. 35% жақын арада батылдық танытып, басшылармен сөйлесуге шешім қабылдауы керек», - деп атап өтті HeadHunter.
Қазіргі уақытта ең жоғары ұсынылатын орташа жалақы Нұр-сұлтан мен Алматыда — 258 мың теңге және 243 мың теңге.
