Оқиға 10 қараша күні 20:00 шамасында болған, деп хабарлайды ulysmedia.kz.
Атырау облыстық Полиция департаменті баспасөз қызметінің мәліметінше, Атырау қаласындағы С.Бейбарыс даңғылымен Х.Доспанова атындағы халықаралық әуежайға бара жатқан Kia Serato көлігі жаяу жүргіншілер өткелінде ер адамды қағып кеткен.
«Жол-көлік оқиғасынан 1981 жылғы ер адам оқиға орнында қаза тапты. Аталған көліктің Ресей Федерациясында тіркеуде тұрғаны анықталды», - делінген баспасөз хабарламасында.
Ресейлік көліктің 28 жастағы жүргізуші ұсталды. Көлік арнаулы тұраққа қойылды. Қазір аталған жол-көлік оқиғасына байланысты іс-құжаттар жинақталуда.
