Мессенджерлерде белгісіз адамдар Ақтаудағы мектептерге келіп, атыс жасамақшы деген хабарламалар тарады, деп хабарлайды Ulysmedia.kz.
ТОЛЫҒЫРАҚ
Анонимді жазбаларда оннан аса білім беру ұйымының атауы көрсетілген, бұл ата-аналар мен оқушылар арасында дүрбелең тудырды. Алайда қала полициясында бұл ақпаратты жоққа шығарды.
- Осы қауесеттерге сенбеуді және тексерілмеген хабарламаларды таратпауды сұраймыз. Полиция тексеру жүргізіп жатыр, барлық қауіпсіздік шаралары күшейтілді. Жағдай бақылауда, - деп атап өтті департамент өкілдері.
Қалалық әкімдік те хабарламалардың жалған екенін растады және тұрғындарды сабыр сақтауға шақырды.
Полиция жалған ақпарат тарату, әсіресе теракт туралы жалған хабарлама үшін бес жылға дейін бас бостандығынан айыру жазасы қарастырылатынын еске салды.
