Ұлттық банк басшысы Ғалымжан Пірматов «Бәйтерек» ұлттық холдингінің облигацияларына зейнетақы қаражатын бөлу механизмі туралы айтты, деп хабарлайды Ulysmedia.kz.
«Технологияға келетін болсақ, зейнетақы қоры "Бәйтерек" облигацияларын сатып алады. Бұл қарыз үшін «Бәйтерек» жауапты болады. Құны нарыққа сай. Бұл облигациялардың мерзімі мен шарттарына байланысты болады», - деген Пірматов БЖЗҚ-дан «Бәйтерек» облигацияларына 500 млрд теңге аударылатынын айтты.
Холдингтен түскен бұл қаражаттың не үшін жұмсалатынын үкімет шешеді.
«Жобаларды таңдау және бұл жобаларды одан әрі қаржыландыру қазірдің өзінде үкіметтің қолында. Бүгінгі күні ақша әлі бөлінген жоқ. Біздің тарапымыздан шешім бар, бірақ жобаларды таңдау, мерзімі, шарттары, несиелер бойынша жұмыстар әлі де жүргізілуде. Шешім қабылданған бойда министрлік пен «Бәйтерек» және зейнетақы қорлары дереу хабардар болатынына сенімдімін», - деді Пірматов.
«Бүгінгі күні бұл қаражат әлі бөлінген жоқ», - деп қосты ол.
Қаңтар айында Ұлттық банк БЖЗҚ қаражатын 2023 жылға дейін жалпы сомасы 500 млрд теңгеге дейінгі «Бәйтерек» облигацияларына инвестициялау жоспарланғанын хабарлаған еді.
