Маңғыстау облысының тұрғыны 200 миллион теңгеден астам бюджет қаражатын заңсыз иемденді, деп хабарлайды ulysmedia.kz.
Бюджет қаражатын жымқыру – бұл шенеуніктер арасында ғана емес, сонымен бірге мемлекет қаржыландыратын жеке кәсіпкерлер арасында да кең таралған экономикалық қылмыс, дейді қаржылық мониторинг агенттігі.
Агенттіктің Маңғыстау облысы бойынша аумақтық департаментінің қызметкерлері бюджет қаражатын иемдену және ысырап ету фактісін анықтады.
2018-2020 жылдары құрылтайшысы 100% Маңғыстау облысының қаржы басқармасы болып саналатын «Ақтау тұрғын үй» ЖШС пен «Комфорт Строй Актау» ЖШС арасында күрделі жөндеуден кейін Ақтау қаласындағы 23 тұрғын үйді қабылдау және тұрғын үй-пайдалану қызметіне, сондай-ақ тұрғындардан ай сайынғы қайтарымды төлемдер мен тұрғын үй көмегін есепке алуды жүргізуге және қабылдауға шарт жасалды.
«Комфорт Строй Актау» ЖШС директоры Ю.Коренева заңсыз баю үшін ЖСШ-тің есеп айырысу шоттарынан ақша қаражатын қолма-қол шешіп алу жолымен 228 миллион теңгеден астам иемденген.
Ақтау қалалық сотының үкімімен Ю.Коренева 7 жылға бас бостандығынан айырылды.
