8 жасар қыздың анасы күйеуі өзінің туған баласын зорлап жатқан жерінен ұстап алғанын айтқан, деп хабарлайды Ulysmedia.kz.
Бұл туралы заңгер, «Human Rights Lawyers» ҚҚ басшысы Ләззат Ракишева мәлімдеді.
Заңгердің айтуынша, зардап шеккен қыздың анасы хат жолдап, оқиғаның қалай болғанын баяндап берген.
«Ортақ төрт баламыз бар»
Сәлеметсіз бе, Ләззәт ханым! Мен 2010 жылы қазіргі сотталған куйеуіме тұрмысқа шықтым. Ол адамды күйеуім деп айтудан жиіркенемін, есіме де түсіргім келмейді, бірақ, шарасызбын. 2020 жылы 2 қарашада кешкі сағат 18:30 шамасында үйімізде қылмыстың үстінен түстім, яғни 8 жастағы туған қызын шырылдатып зорлап жатқан жерінен ұстап алдым. Біздің ортақ төрт баламыз бар. Жәбірленуші осы бір тал қызымыз, мен ауру мен саудың күйін кештім. Ертесі зорға жиналып, полиция шақырдым үйге. Ол сол күні үйден қашып кетті, екі күннен кейін полиция іздеп тауып, түрмеге қамалды. Осылай тергеу аяқталып, іс сотқа жіберіледі, - деген хат иесі.
Әйел күйеуі 2021 жылы маусымда 20 жылға сотталғанын айтты.
«Не істеймін? Көмектесіңізші...»
Енді менің қызымды зорлағанның әкесі «немерелерімді көрсет» деп ЧС арқылы талап етті. Мен келісіп, «аталары ғой» деп балаларды жібердім. Ол шал мені балаларыма жамандап, «ол псих баламды өтірік соттатты» деп ауызына келгенін айтқан! Балаларым «ол шалмен кездескіміз келмейді, көргіміз де келмейді» деп жылап отыр! Мен не істеймін? Менің балаларыма неге қысым көрсетеді оның әкесі?! Көмектесіңізші, Ләззәт ханым, - деп жазған жәбірленуші қыздың анасы.
Айта кетейік, бұған дейін оралдық әйел өз қызын зорлағандарды ақтауды талап етті.
