БҚО аумақтық Орман шаруашылығы және жануарлар дүниесі аумақтық инспекциясының бөлім басшысы қайтыс болды, деп хабарлайды Ulysmedia.kz.
Қайғылы жағдайды Экология, геология және табиғи ресурстар министрлігінің баспасөз қызметі растады.
«Теректі ауданы, Ақжайық ауылынан шамамен 10-12 шақырым қашықтықта 02.07.1977 жылы туған БҚО аумақтық Орман шаруашылығы және жануарлар дүниесі аумақтық инспекциясының бөлім басшысы Серік Сағындықұлы Маженов абайсызда қолданған қарудан көз жұмды», - делінген баспасөз хабарламасында.
Алайда министрліктің баспасөз қызметі марқұмның өлімінің нақты себептерін көрсетпеді. Браконьерлер шабуылы себеп болды ма деген журналистер сауалын да түбегейлі жоққа шығармады.
«Қазір тергеу жүріп жатыр, қосымша хабарлаймыз», – деді баспасөз қызметінің өкілі.
