Шығыс Қазақстан облысының тұрғындары сәнді көлік нөмірлерін алу үшін 243 млн теңге жұмсаған, деп хабарлайды ulysmedia.kz.
ШҚО полиция департаментінің мәліметінше, бүгінгі таңда аймақ бойынша 371 436 көлік бар. Бұл өткен жылмен салыстырғанда 1,4%-ға көп. Оның ішінде жеке тұлғаларға – 335 936, ал заңды тұлғаларға – 35 500 көлік тіркелген.
«Осы жылдың он бір айында облыста 85 941 көлік тіркеуге алынды. 7 088 көлік бірінші рет тіркелген. Сондай-ақ 6248 көлік есептен шығарылды. Тұрғындар 923 сәнді көлік нөмірін 242 755 657 теңгеге сатып алды», - делінген баспасөз хабарламасында.
Жыл басынан бері 46 703 адамға жүргізуші куәлігі берілген. Оның ішінде 12 890 азамат бірінші рет жүргізуші куәлігін алды.
