Елімізде тұрмыстық зорлық-зомбылыққа душар болған 27 мың әйел сенім телефондары арқылы ІІМ инспекторларының көмегіне жүгінген, деп хабарлайды Ulysmedia.kz.
Бұл туралы Ішкі істер министрлігі ұйымдастырған онлайн брифингте мәлім болды.
Алайда, мамандар олардың барлығын бірдей арнайы орталықтарға орналастыру мүмкін еместігін айтады. Бүгінде отбасында теперіш көрген 3 мыңға жуық әйел уақытша дағдарыс орталықтарында тұрып жатыр.
2022 жылы 5,5 мың зомбылық құрбаны полицияға жүгінді. Нәтижесінде 22 азамат қылмыстық жауапкершілікке тартылса, 4731-іне әкімшілік жаза берілді, – дейді министрліктің өкілі Шұғыла Тұрлыбек.
