×
425.02
450.1
7.17
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
425.02
450.1
7.17

«Біз тұншығып барамыз» — экобелсенділер Қазақстан билігіне жүгінді

30.04.2022, 19:54
Фото: Ulysmedia.kz

Нұр-Сұлтанда жүз шақты адам климаттың өзгеруіне қарсы санкцияланған митингке шықты. Елорданың экобелсенділері жаһандық жылынуға алаңдап жатыр, деп хабарлайды Ulysmedia.kz порталы.

Демонстрация қала гүлзарларының бірінде өтті. Наразылық білдірушілер жаһандық жылыну жер бетіндегі тұрғындарды қазіргі өзінде түрлі апатттарға алып келді деп санайды. Олардың пікірінше, егер адамзат парник газдарының шығарындыларын төмендетпесе, планетаның температурасы ысып, төтенше ауа-райы бұзыла береді

«Біз қазірдің өзінде еліміздің аумағында экономикаға және адам өміріне айтарлықтай зиян келтірген қауіпті гидрометеорологиялық құбылыстарды көріп отырмыз. Өрт, су тасқыны, құрғақшылық, жылу толқыны, мұзды жаңбыр сияқты катаклизмдер жиі, ұзақ және жойқын бола түседі», -  дейді белсенділер.

Митингі ұйымдастырушы Екатерина Янчук Қазақстандағы парниктік газ шығарындыларының ең ірі көздері энергетикалық қызмет және ауыл шаруашылығы саласынан келетінін атап өтті.

«Металлургиялық алпауыт атмосфераға негізгі өндірістен улы заттарды шығарудан басқа, халықты ауруға душар қылатын парник газдарын шығарады, сонымен қатар жұмыс істеуі үшін көп мөлшерде электр қуатын қажет етеді», — деді ол.

Сонымен қатар, Ulysmedia.kz порталының жетекшісі Самал Ибраева да демонстрацияға қатысып, өзінің азаматтық ұстанымын білдірді. Оның пікірінше, Қазақстанның билік өкілдері экологиялық мәселелерді шешуге мүдделі емес.

«Өкінішке қарай, біздің шенеуніктер мен депутаттар елдің экологиялық мәселелерін шеше алмайды. Бәрі тек қағаз жүзінде жүреді. Үкімет бұған мүдделі емес, өйткені олигархтар мен ірі «ластаушы зауыттардың» мүдделері басымдыққа ие. Саясаткерлер тек бос ұрандарға бейім», - деп түсіндірді Самал Ибраева.

Митингке қатысқан Нұр-Сұлтан қаласының тұрғыны Александра әлемдік қауымдастық жаһандық жылыну проблемасын реттемесе, адамзатқа тұратын орын да қалмайды деп есептейді.

«Қазақстан су тапшы елдердің қатарында. Бірақ бізде көлді көміп, үй салады. 2021 жылыелдің батыс өңіріндегі қуашылықтың салдарын көрдік. Ал таяуда ғана астаналықтар алғашқы көктемгі өрттің түтінін сезді», - деп қосты Александра.

 

Соғында экобелсенділер қала әкімі Алтай Көлгіновке өз қарарын тапсырды. Олардың қатарында мынадай талап бар:

  1. Барлық саладағы баламалы қуат көздерінің үлесін дамыту, көмір мен мұнай қолданысын азайту
  2. Метал, цемент және бетон өнндірісінде алдағы 10 жылда көміртектен бейтарап өндіріске көшу
  3. Парник газдарының мөлшерін азайту
  4. Климат дағдарыстары проблемалары турасында халыққа уақтылы ақпарат беру
  5. Экстремалды ауа райы жағдайында ерте хабар беру жүйесін әзірлеу
  6. Қалдықтармен жұмыс істеу жүйесін жақсарту, 2050 жылға қарай олардың 80 пайызын екінші шикізатқа айналдыру
  7. Қоқыс жағатын зауыттардың құрылысына тыйым салу.