Дүниежүзілік денсаулық сақтау ұйымының басшысы Тедрос Адханом Гебрейесус Астанада өткен конференцияда сөз сөйлеп, Қазақстанның өз өміріндегі рөлі туралы айтты, деп хабарлайды Ulysmedia.kz.
Өз сөзінде ДДСҰ бас директоры Президент Қасым-Жомарт Тоқаевтың бастамасын қолдайтынын атап өтті. Сондай-ақ, Тәуелсіздік алғаннан бері Қазақстан алғашқы медициналық-санитариялық көмекті дұрыс дамыта отырып, халықтың әл-ауқатын көтергенін айтты.
"ДДСҰ Қазақстанда кеңсе ашқанымызды мақтан тұтады. Мен үшін Қазақстанның орны ерек. Менің келінім қазақ, екі немерем де қазақ. Менің ойымша, Қазақстан – менің бір бөлшегім, ал мен – осы елдің бір бөлшегімін", - деді ол.
Айта кетейік, Тедрос Адханом Гебрейесус – белгілі ақын Жүрсін Ерманның құдасы. ДДСҰ басшысының үлкен ұлы Жүрсін Ерманның жиен немересіне үйленген.
